شعر لری بسیار زیبا از سروده های استاد مجید نگین تاجی

چاروسا - سرچات یادت به خیر

چاروسا روستای سرچات

تش بهسه و جونم غم دیری تو و دونم
ایسوزنه زندیمه اگر زنده بمونم
قربون تو واگرد و بیه ایرهنه نشونم
سیلم کُ که ای باره وه منزل برسونم

سیلم کُ که سیل تیلت جونَ مو اییه
سنگینه اگر درد مو درمونَ مو اییه
درمون همَی درد و بلامی و تونَ ایخوم
مث سایه وه دیندا و نهامی و تونَ ایخوم
بختر وه کر و بو و ککامی و تونَ ایخوم
نیخوم که بگم بهزه خیامی و تونَ ایخوم

ایخوم که بنم سر سرزونیت و بمیرم
دوغونم و دونی که چه اندازه اسیرم

دوغونم و من یک رکنامه غم دیریت
مث سایه وه دینت جکنامه غم دیریت
ورششتمه من یک شخنامه غم دیریت
خونامه وری گل، رمنامه غم دیریت

نیخوم که وریسم سرپا، درد تو خوبه
مث کل کله دل داین و دم برد تو خوبه

دونی که چقر خوبی و دل ایخو بوینت
دونی چه شری کرده وپا نوم شرینت
انگار خیا هم تیش افتایه وه دینت
شاید تو گل مریمشی، ایخو بچینت

شاید که خیا سی دل خوش جون وه تو دایه
دل خش کنکی، ما نه، وه دینت جکنایه

نونم تو کیی هر که هسی جون خمی تو
درمون خم و ایدلِ داغونِ خمی تو
سامون دل بی سر و سامون خمی تو
یعنی غزل و شونم و بارون خمی تو

دنیا و و همَی دار و نیارم وه تو بنده
امید دل حسرت و بارم وه تو بنده
زنده ی مو تونی آخر کارم وه تو بنده
تاریخ سر سنگ مزارم وه تو بنده

تا درد تو من جونه مو ناله ایکنه خشمه
تا بَی نفسم دومن و بالا ایکنه خشمه
او درد نه دردی که دل و جونمه تش زه
وابی وه گله ی ناحق و پس شونمه تش زه

سی خاطر ایباغه که باد ورتکناشه
مث خرمن تیفون زیه من یک شخناشه

منبع:http://mamasani1.ir

نظرات شما عزیزان:

شاعر قرن هستی شهرستان رستم

ساعت16:59---13 شهريور 1394

- [ایمیل]

........................... .........................

درود جناب نگین تاجی عزیز

ترانه ی قشنگی بود

سپااااس

............................ ..........................